Byssumenn í Suður-Afríku skutu ellefu leigubílstjóra til bana í umsátri, að sögn lögreglunnar. Leigubílstjórarnir voru saman á leið til Jóhannesarborgar í gær er skotið var á rútu þeirra.
Hópurinn var að koma úr jarðarför samstarfsmanns síns.
Ekki er vitað hvað bjó að baki árásinni en mikið ósætti er milli hópa sem reka smárútur og leigubíla í Suður-Afríku. Til átaka hefur áður komið á milli hópanna.
Smárútur eru vinsæll ferðamáti í landinu en íbúar þess eru 55 milljónir.