Niðurrif á eldflaugastöð hafið í N-Kóreu
Setja bókamerki
Yfirvöld í Norður-Kóreu virðast hafa hafist handa við niðurrif búnaðar á þeim svæðum í norðvesturhluta landsins, þar sem unnið var að eldflaugatilraunum.
BBC segir gervinhnattmyndir af Sohae stöðinni benda til þess að norður kóreskir ráðamenn séu að efna loforðið sem þeir gáfu Bandaríkjastjórn í júní. Donald Trump Bandaríkjaforseti sagði Kim Jong-un, leiðtoga Norður-Kóreu, hafa heitið því að eyðileggja skotsvæði en nefndi ekki hvert þeirra.
Yfirvöld í Norður-Kóreu hafa jafnan haldið því fram að Sohae sé skotsvæði fyrir gervihnetti, en bandarískir embættismenn telja það hafa verið notað fyrir eldflaugatilraunir.
Þeir Trump og Kim undirrituðu, á leiðtogafundi sínum í Singapore í júní, samning um að unnið yrði að afvopnavæðingu kjarnavopna á Kóreuskaga. Var samkomulagið síðar gagnrýnt vegna skorts á upplýsingum um hvenær eða hvernig staðið yrði að afvopnuninni.
Kvaðst Trump í gær vera „mjög ánægður“ með þann gang sem væri í samskiptum Bandaríkjanna og Norður-Kóreu og sagði hann m.a. norðurkóresk yfirvöld ekki hafa staðið fyrir neinum eldflauga- eða kjarnorkutilraunum sl. níu mánuði.
Samkvæmt nýlegum skýrslum bandarískra njósnastofnanna er þó talið að Norður-Kóreumenn kunni að halda kjarnorkuáætlun sinni áfram á laun. Er þar vakinn athygli á að unnið sé að lagfæringum á kjarnorkuauðgunarsvæðinu í Yongbyon og aukinn kraftur settur í samskonar vinnu annars staðar í landinu.
Tæknideild komin norður vegna andlátsins
Áverkar bentu til manndráps
Myndskeið: „Fólk var komið ískyggilega nálægt“
Átta morðmál á aðeins tólf mánuðum
Sáttur við sína stöðu og finnur fyrir meðbyr
Íslendingar ein mest einmana þjóð heims