Skógareldar í Grikklandi (myndir)

Gróðureldarnir í og við Aþenu á Grikklandi hafa orðið 79 manns að bana. Rýma hefur þurft fjölda húsa og koma íbúum í öruggt skjól. Bílar og hús hafa brunnið til kaldra kola. Um mannskæðustu skógarelda í nútímasögu Evrópu er að ræða. 

Margir flúðu niður að strönd til að forðast eldtungur og gríðarlegan reyk sem frá eldunum stafar. Margra er enn saknað.

Eldurinn braust út á mánudagskvöld. Fólk reyndi að flýja ýmist á hlaupum eða í bílum sínum. 

26 manns, sem ekki tókst að komast undan, fundust í faðmlögum í húsi í strandbænum Mati um 40 kílómetrum norðaustur af Aþenu. 

Hér að neðan má sjá myndir af þessum gríðarlegu eldum.