Sex félagar úr japanska sértrúarsöfnuðinum Æðsti sannleikur voru teknir af lífi í nótt en fyrr í mánuðinum voru leiðtogi þeirra og sex aðrir hengdir fyrir taugagasárás í neðanjarðarlestarkerfi Tókýó-borgar árið 1995. Alls voru 13 dæmdir til dauða fyrir árásina.

Frétt af mbl.is

Sjö úr sértrúarsöfnuði teknir af lífi

Dómsmálaráðherra Japans, Joko Kamikawa, staðfesti við fjölmiðla að þeir síðustu úr söfnuðinum hefðu verið teknir af lífi fyrr í dag. Hann segist hafa fyrirskipað aftökurnar að vandlega íhuguðu máli.  

Eiginkona manns sem lést í árásinni, Shizue Takahashi, fagnaði því að búið sé að taka alla þá 13 sem dæmdir voru til dauða fyrir árásina af lífi. Nú sé málinu vonandi lokið og réttlætinu náð. „En skaðinn er skeður fyrir fórnarlömbin sem þjást áfram þrátt fyrir aftökurnar. Mér finnst það mjög erfitt,“ segir hún.

Æðsti sann­leik­ur var til að byrja með mjög svo sak­leys­is­leg­ur trú­ar­hóp­ur sem eins og svo marg­ir hóp­ar stundaði jóga og seldi heilsu­drykki. Leiðtogi hóps­ins, Sho­ko Asa­hara, hélt því fram að hann hefði dul­rænt vald sem gerði hon­um kleift að breyta sér í allra kvik­inda líki.

Hug­mynda­fræðin var tek­in úr ýms­um trú­ar­brögðum, þar á meðal búdda­trú, hindú­isma og kristni. Asa­hara kenndi að heim­ur­inn myndi far­ast og úr hon­um rísa nýr og betri heim­ur. Þessi hug­mynd var síðan notuð til að rétt­læta of­beldi og glæpi sem framd­ir voru af hópn­um, svo sem til­raun til morðs á lög­fræðingi sem studdi fyrr­ver­andi liðsmenn hóps­ins, taugaga­sárás í Nagano-sýslu árið 1994 í tengsl­um við ósætti við yf­ir­völd þar um land, og síðan sams kon­ar árás í Tókýó árið 1995 þegar ljóst var að yf­ir­völd voru að íhuga aðgerðir gegn söfnuðinum.

Tólf manns lét­ust í árás­inni og meira en 5.000 veikt­ust af völd­um gaseitr­un­ar. Það sem fólki fannst illskilj­an­legt var að marg­ir af for­ystu­mönn­um hóps­ins, að leiðtog­an­um und­an­skild­um, voru ung­ir há­menntaðir raun­vís­inda­menn, seg­ir í frétt Morg­un­blaðsins um málið á sín­um tíma.

Frétt af mbl.is

Dómsdagsliðar hengdir í Tókýó

Tengdar fréttir

Dauðarefsingar

Tekinn af lífi fyrir tvö morð

• Alabama hefur aftur gjöf banvænna sprauta
• Teknir af lífi fyrir að brenna Kóraninn
• Malasía bannar lögboðna dauðarefsingu
• Mál manns sem var hálfa öld á dauðadeild endurupptekið

» Fleiri tengdar fréttir

• Blogga um frétt