Lögreglan segist vita hvar Sunniva var myrt
Setja bókamerki
Norska lögreglan veit hvar hin þrettán ára gamla Sunniva Ødegård var myrt en vill ekki veita upplýsingar að svo stöddu um hvar morðið átti sér stað eða hvort það hafi verið á sama stað og hún fannst látin aðfaranótt mánudags. Þetta staðfestir Bjørn Kåre Dahl í samtali við NRK.
Sunniva var búsett í smábænum Varhaug í Rogalandi og var á leið heim til sín frá vini sínum um klukkan hálfellefu á sunnudagskvöld. Síðustu samskiptin sem hún er talin hafa átt fyrir andlátið er símtal við fjórtán ára gamlan kærasta sinn klukkan 22.30 að kvöldi sunnudags. „Nú er ég komin heim. Sjitt!“ sagði hún áður en símtalið rofnaði. Lík hennar fannst aðfaranótt mánudags við göngustíg nálægt brú.
Telja sig hafa handsamað morðingjann
NRK greinir frá því að lögreglan telur sig hafa handtekið morðingja Sunnivu, 17 ára dreng, sem hefur verið í haldi lögreglu frá því á þriðjudag. Drengurinn er einnig grunaður um aðild að innbroti í nágrenninu sama kvöld og hefur hann játað að hafa verið þar að verki. Hann neitar hins vegar að tengjast morðinu á Sunnivu en viðurkennir að hann hafi verið í grennd við staðinn þar sem lík hennar fannst.
Nokkrar tilraunir hafa verið gerðar til að yfirheyra drenginn en þær hafa ekki skilað árangri. Hann dvelur í unglingafangelsinu í Bergen á meðan rannsókn málsins stendur yfir. Drengurinn hefur komið við sögu lögreglunnar áður en þó ekki vegna ofbeldisverka. Hann tengist meðal annars íkveikju í skóla í Varhaug í byrjun júlí.
Vilja ná tali af pari
Lögreglan óskaði eftir því í gærkvöldi að ná tali af pari á þrítugsaldri en talið er að það hafi verið á göngu í grennd við brúna þar sem lík Sunnivu fannst. Parið hefur ekki gefið sig fram.
Lögreglunni hafa borist yfir 80 ábendingar í tengslum við málið og hafa yfir 40 manns verið yfirheyrðir vegna rannsóknarinnar.
„Það er skiljanlegt að þolinmæði þeirra sé lítil“
Ísraelar hefna árásarinnar
/frimg/9/40/940831.jpg)
Telur eyðsluna munu rjúka upp úr öllu valdi
Mikil skjálftavirkni á landinu áhyggjuefni
„Menn eru bara búnir að forgangsraða“
Fjárfestingin 115 milljarðar króna