„Óspillt og hreinræktuð hvít stúlka“

Cutshaw var handtekin á laugardagskvöld, en á afmæli í dag, ...
Cutshaw var handtekin á laugardagskvöld, en á afmæli í dag, fimmtudag. Ljósmynd/Beaufort County Detention Center

Bandarísk kona, sem handtekin var, grunuð um að hafa ekið hratt fram hjá skilti sem sýndi stöðvunarskyldu, bað lögregluna að sleppa sér þar sem hún væri „óspillt og hreinræktuð hvít stúlka“.

Þetta kemur fram í skýrslu lögreglunnar en lögreglumaðurinn sem framkvæmdi handtökuna, og er sjálfur hvítur á hörund, lýsir þar í smáatriðum hvernig hin 32 ára Lauren Cutshaw óskaði ítrekað eftir sérstakri meðferð sökum kynþáttar síns.

Þegar hún var spurð hvers vegna, svaraði Cutshaw: „Þú ert lögga, þú ættir að vita hvað það þýðir,“ að því er segir í skýrslunni.

Klappstýra og í kvenfélagi

Cutshaw var handtekin á laugardagskvöld og meðal annars ákærð fyrir vörslu fíkniefna, eftir að hún ók á 96 kílómetra hraða fram hjá stöðvunarskylduskilti í Bluffton í Suður-Karólínu.

Þeim lögreglumönnum sem stöðvuðu för hennar tjáði hún að hún hefði fengið fullkomnar einkunnir alla sína skólagöngu, auk þess sem hún hefði verið klappstýra og í kvenfélagi í skólanum (e. sorority). Þá sagðist hún einnig hafa útskrifast frá „hátt skrifuðum háskóla“ og maka sinn sagði hún vera lögreglumann.

Í skýrslu lögreglumannsins sem handtók Cutshaw segir eftirfarandi: „Að láta svona fullyrðingar frá sér til þess að réttlæta að ekki eigi að handtaka mann er óvenjulegt miðað við mína reynslu sem lögreglumaður, og ég tel að þetta sýni enn frekar fram á ölvun þess grunaða.“

Var að fagna afmælinu

Fram kemur í umfjöllun BBC að alkóhól í blóði Cutshaw hafi mælst 0,18%, en samkvæmt lögum ríkisins er hámark við keyrslu bifreiðar 0,08%. Þá féll hún á prófum sem lögregla gerði til að mæla ölvun hennar, auk þess sem augu hennar voru blóðhlaupin og tal óskýrt.

Samkvæmt skýrslu lögreglu mun hún hafa tjáð lögreglumönnum að hún hafi aðeins drukkið tvö vínglös á veitingastað. „Ég meina, ég var að fagna afmælinu mínu,“ er þar haft eftir henni.

mbl.is
Við kaup og sölu fasteigna.
Ertu í söluhugleiðingum. Hafðu þá samband við mig....
Heimili í borginni ...Eyjasol ehf.
3ja herb. íbúðir í austurborginni. Gisting fyrir 4-6. Lausir dagar. Góð gisting ...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
KERRUR TIL AFGREIÐSLU SAMDÆGURS
Sterku HULCO fjölnotakerrurnar, myndir á bland.is og á Facebook = Magnus Elias /...