Stjórnvöld í Rússlandi segja fyrirhugaðar refsiaðgerðir Bandaríkjanna gagnvart Rússum vera óásættanlegar. Utanríkisráðuneyti Bandaríkjanna tilkynnti í gær að ákveðið hefði verið að grípa til refsiaðgerða vegna taugaeiturárásarinnar á rússneska njósnarann Sergei Skripal og dóttur hans, Yuliu, í Bretlandi í mars á þessu ári. Bandaríkjamenn segja Rússa hafa brotið alþjóðalög með því að beita efnavopnum með þessum hætti.

Frétt af mbl.is

Bandaríkin beita Rússa refsiaðgerðum

Dmitry Peskov, talsmaður ríkisstjórnar Rússlands, sagði í samtali við blaðamenn fyrr í dag að það væri óásættanlegt að Bandaríkjamenn gripu til slíkra aðgerða í tengslum við þetta mál. Hann sagði jafnframt að þrátt fyrir þetta vonuðust stjórnvöld í Moskvu til að geta byggt upp jákvætt samband við stjórnvöld í Washington.

Tengdar fréttir

Eitrað fyrir Skripal

Grunaðir í Skripal-máli sakaðir um þátt í sprengingu

• Gagnrýnandi Pútíns kyrktur
• Boris varar Pútín við
• Ræðir Skripal-málið við Pútín
• Mikil umferð um sendiráðið fyrir tilræðið

» Fleiri tengdar fréttir

• Blogga um frétt