Segir að Trump sé rasisti

Donald Trump.
Donald Trump. AFP

Fyrrverandi ráðgjafi í Hvíta húsinu og keppandi í raunveruleikaþáttunum Apprentice segir að Donald Trump Bandaríkjaforseti sé haldinn kynþáttafordómum og hafi notað „n-orðið“ svokallaða margoft.

Þetta kemur fram í sjálfsævisögu Omaroasa Manigault Newman.

Þar greinir hún frá því að áður en Trump tók við embætti forseti hafi hann notað „n-orðið“ „mörgum sinnum“ á meðan á gerð raunveruleikaþátta hans stóð. Bætir hún við að til sé myndband sem sanni það.

Fréttir hafa áður borist af því að heyrst hafi til Trump nota „n-orðið“ við gerð þáttanna, auk annarra móðgandi orða. Newman kveðst þó ekki hafa heyrt Trump nota orðið sjálf.

Bók hennar nefnist Unhinged og kemur hún út í næstu viku, að sögn The Guardian

Newman segist aftur á móti hafa orðið vitni að rasískum ummælum forsetans um George Conway, eiginmann Kellyanne Conway, ráðgjafa í Hvíta húsinu en George er hálfur Filippseyingur.

Gagnrýnendur Newman hafa haldið því fram að hún sé með bók sinni að leita hefnda eftir að hafa verið sagt upp störfu fyrirvaralaust í desember.

mbl.is

Bloggað um fréttina

INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...
NUDD- LÁTTU ÞER LIÐA VEL.
Slakaðu á og láttu þer líða vel.Nudd er fyrir likamlega og andlega vellíðan. ...
ÞÝSKAR KERRUR _ FJÖLNOTA OG MEÐ STURTUM
L: 251,305,405,502,611 x B: 153,178,183,203,223 cm, burður 1350 til 3500 kg. Stu...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...