Vinnupallar í hættu vegna óveðurs

Hætta er á að vinnupallar við stóra byggingu í Ósló geti hrunið vegna mikils óveðurs sem hefur gengið yfir suðurhluta Noregs.  

Lögreglan hefur girt svæðið af til að koma í veg fyrir umferð almennings, að því er Aftenposten greindi frá.

Rafmagn hefur jafnframt farið af á heimilum um 40 þúsund viðskiptavina orkuveitunnar Hafslund vegna óveðursins.  

Um 130 manns hafa verið að störfum í dag á vegum fyrirtækisins vegna ástandsins.

Óveðrið hefur einnig haft áhrif á samgöngur og hafa tré rifnað upp og fallið á lestarteina. Einn slasaðist eftir að hafa orðið fyrir tré.

• Blogga um frétt