Bjargaði eigendum sínum frá aurskriðu

Flóð og aurskriður hafa valdið miklu tjóni í Kerala á ...
Flóð og aurskriður hafa valdið miklu tjóni í Kerala á Indlandi undanfarið. AFP

Hundur í Kerala-fylki á Indlandi bjargaði eigendum sínum frá því að farast í aurskriðu með því að vekja þá rétt áður en aurskriða féll yfir heimilið.

Indverskir fjölmiðlar segja Mohanan P. hafa verið sofandi með fjölskyldu sinni í hinu fjalllenda Idukki-héraði þegar hundur fjölskyldunnar tók að gelta hátt og mikið. Klukkan var þrjú að nóttu og vöknuðu allir í húsinu.

„Ég áttaði mig þá á því að það var eitthvað að. Ég fór út til að sjá hvað væri að og við urðum bara að flýta okkur út,“ sagði Mohanan við indversku NDTV-sjónvarpsstöðina. 

Fjölskyldan var ekki fyrr komin út úr húsinu en aurskriða féll á húsið úr hlíð í nágrenninu og eyðilagði það. Fjölskyldan, og seppi þar með talinn, dvelur nú í flóttamannabúðum í nágrenninu.

Skyndiflóð í kjölfar árlegra monsúnrigninga hafa valdið miklu tjóni á þessum vinsæla ferðamannastað undanfarið. Hafa 39 manns látið lífið og yfir 100.000 eru heimilislausir eftir monsúnrigningarnar í ár.

mbl.is
Davíð Stefánsson
Davíð Stefánsson frá Fagraskógi Til sölu ljóðabréf frá Davíð Stefánssyni til vin...
Leiga, herb. hús, við Gullna hringinn..
Studio herb. með sérbaði og eldunaraðstöðu, hlýleg og kósí, 5 mínútur frá Gey...
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
Jöklar - Hús fyrir ferðaþjónustu
Jöklar hafa átt miklu fylgi að fagna frá því þau komu fyrst á sjónarsviðið, vori...