Hafna „ósiðlegu“ kynlífsleiktæki

Kynlífsleikfangið umdeilda sem indverksa einkaleyfisskrifstofan vill ekki samþykkja.
Kynlífsleikfangið umdeilda sem indverksa einkaleyfisskrifstofan vill ekki samþykkja.

Einkaleyfaskrifstofa Indlands hefur hafnað kröfu kanadísks fyrirtækis um einkaleyfi á tegund af víbrator á þeim grundvelli að kynlífsleikföng  brjóti í bága við „allsherjarreglu og almenna siðsemi“.

Vísar skrifstofan til siðferðislöggjafar landsins og segir lögin „aldrei hafa tekið jákvætt á hugmyndinni um kynlífsánægju“.

Kynlífsleikföng teljist klúrir hlutir og þar með ólögleg á Indlandi, að því er BBC greinir frá.

Í dómi sem féll á Indlandi 2011 úrskurðaði dómari hins vegar að kynlífsleikföng teljist ekki vera dónaleg.

Það er kanadíska fyrirtækið Standard Innovation Corporation sem sótti um einkaleyfið til að koma í veg fyrir að eftirlíkingar af vöru sinni séu seldar í landinu, að sögn Shamnad Basheer, lagaprófessors sem er að vinna að bók um heilbrigðislöggjöf Indlands.

„Þessi leikföng eru ekki álitin nytsamleg,“ segir í svari einkaleyfaskrifstofunnar. „Flest eru talin siðferðilega niðurlægjandi samkvæmt lögum.“

Þá vísaði stofnunin til greinar 377 í indversku refsilöggjöfinni. Greinin er 155 ára gömul og frá nýlendutímanum, en þar er kynlíf samkynhneigðra og „óeðlileg“ kynmök sögð brjóta í bága við lög.

Hæstiréttur Indlands er nú með til meðferðar áfrýjun í málinu.

„Af hverju ætti einkaleyfaskrifstofa að taka á siðferðilegum ákvörðunum? Embættismenn sem eru sérfræðingar í tækni og vísindum ættu ekki að ákveða hvort uppfinning sé siðleg eða ósiðleg,“ sagði Basheer við BBC.

Kynlífsleikföng eru seld í netverslunum á Indlandi og mikil sala er einnig í þeim á svarta markaðinum.

mbl.is
Infrarauður Saunaklefi 229.000
Infrarauður Saunaklefi - 249.000 Tilboð : 229.000 Er á leiðinni 5 dagar ( 30.00...
Hallo AFI, sumarhús í Tungunum..
Falleg sumarhús til leigu í Tungunum, ca. klst. frá Rvík. - fyrir AFA og ÖMMU. f...
CASE 580 G Grafa til sölu
Case 580G til sölu á vægu verði 790þús.+vsk ...Ný dekk og mikið endurnýjað af s...
Húsaviðgerðir
https://www.husco.is/...