Maðurinn sem var handtekinn fyrir að ekið á öryggishindranir við breska þinghúsið í London í gærmorgun er breskur en af súdönskum uppruna.
Þrír slösuðust þegar silfurlitaðri Ford Fiesta var ekið inn í hóp hjólreiðamanna áður en bíllinn lenti á öryggishindrununum.
Maðurinn er búsettur í borginni Birmingham, heitir Salih Khater og er 29 ára.
The Westminster terror crash suspect has been named as Salih Khater.@skymarkwhite details what we know about the 29-year-old British citizen.
— Sky News (@SkyNews) August 15, 2018
Full details here: https://t.co/i78Ddvv0gC pic.twitter.com/6c96GXFW6s
Rannsókn stendur yfir á því hvort um hryðjuverk hafi verið að ræða. Yfirmaður hryðjuverkadeildar lögreglunnar, Neil Basu, sagði að Khater hefði ekki verið kunnur á meðal leyniþjónustunnar en blaðið The Times greindi frá því að lögreglan hafi vitað hver hann væri.
Blaðið sagði að Khater væri verslunarstjóri í Birmingham og hefði stundað nám við vísinda- og tækniháskólann í Súdan. Þær upplýsingar fundust á Facebook-síðu hans.
„Hann er ekki hryðjuverkamaður. Ég hef þekkt hann síðan í barnæsku. Hann er góður maður,“ sagði Abubakr Ibrahim, æskuvinur hans.
Eftir að Khater var handtekinn hefur húsleit staðið yfir á tveimur stöðum í Birmingham og á einum stað í Notthingham.