Vatíkanið fordæmir kynferðisofbeldið

Frans páfi ávarpar mannfjölda í Róm 11. ágúst síðastliðinn.
Frans páfi ávarpar mannfjölda í Róm 11. ágúst síðastliðinn. AFP

Frans páfi styður fórnarlömb kynferðisofbeldis af hálfu kaþólskra presta í Pennsylvaníu-ríki í Bandaríkjunum, að því er fram kemur í yfirlýsingu frá Vatíkaninu. Kaþólska kirkjan segist vilja hlusta á fórnarlömbin, sem eru yfir 1.000 talsins og voru misnotuð af yfir 300 prestum í ríkinu á sjö áratuga tímabili.

Í yfirlýsingu Vatíkansins segir að ofbeldinu sem lýst er í skýrslunni sem birtist á þriðjudag verði lýst með orðunum „skömm“ og „sorg“. Ofbeldið er fordæmt og gjörðir prestanna sagðar bæði glæpsamlegar og siðferðilega rangar.

„Fórnarlömbin ættu að vita að páfinn er með þeim í liði,“ segir jafnframt í yfirlýsingunni.

Þar sem „nánast engin málanna“ sem fjallað er um í skýrslunni eru yngri en frá árinu 2002, virðist Vatíkinið þó sjá ljósa bletti í því svartnætti sem nú umlykur kaþólsku kirkjuna vestanhafs.

Skýrslan er sögð sýna það sama og fyrri athuganir á kynferðisofbeldi innan kirkjunnar í Bandaríkjunum, að átak sem ráðist var í til að uppræta kynferðisofbeldi af hálfu presta á hendur börnum í upphafi aldar, virðist vera að bera árangur.

mbl.is
Póstkort - Póstkort
Langar þig í raunverulegt póstkort sent frá útlöndum? Skoðaðu www.postcrossing....
Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Nudd Nudd Nudd
Relaxing Massage Down Town Reykjavik, S. 7660348, Alina...