Finnur að endalokin nálgast
Setja bókamerki
Úkraínski kvikmyndagerðarmaðurinn Oleg Sentsov, sem hefur verið í hungurverkfalli í næstum hundrað daga, er að missa alla trú á því að honum verði sleppt úr fangelsi í Rússlandi. Þetta kemur fram í máli frænku hans, Nataliu Kaplan, sem fékk nýlega bréf frá Sentsov.
AFP greinir frá málinu. Segir þar að Kaplan hafi í síðustu viku fengið bréf frá Sentsov þar sem hann sagði að hann fyndi að endalokin væru nærri. Segir hún að Sentsov hefði skrifað að bandamenn hans ættu að hætta að telja honum trú um að honum verði fljótlega sleppt þar sem hann sé hættur að trúa slíku.
Sentsov var dæmdur í 20 ára fangelsi í rússneskum herrétti fyrir þremur árum en hann var sakfelldur fyrir hryðjuverkastarfsemi. Hann var handtekinn í Kænugarði eftir að hafa tekið þátt í mótmælum.
Í frétt AFP segir að heilsu Sentsov hafi hrakað mjög eftir að hungurverkfallið hófst 14. maí. Hann hafi misst 17 kíló og hjartsláttur hans sé orðinn hægur, eða um 40 slög á mínútu. „Honum er illt í hjartanu og reynir að standa upp sem minnst til að spara orku,“ segir Kaplan.
Segjast ekki vera á kaldri slóð
Bjarkey stendur við skammarbréf Svandísar
Ný staða uppi og óvissan meiri
Hafa „ágætis tíma“ til úrbóta
Myndskeið: Segjast hafa skotið niður sprengjuflugvél
Ekki byggt í takt við áform sveitarfélaga
„Búið að vera í dreifingu í einhvern tíma“
Hyggjast leyfa fólki að skoða gosið