McCain gagnrýnir Trump í yfirlýsingu
Setja bókamerki
Yfirlýsing sem hefur verið birt frá öldungadeildarþingmanninum John McCain, sem lést úr krabbameini um helgina, hefur verið túlkuð sem gagnrýni á Donald Trump Bandaríkjaforseta.
„Við drögum úr mikilfengleika okkar þegar við ruglum þjóðernisást saman við ættbálkadeilur sem hafa sáð fræjum óánægju og haturs og ofbeldis í öllum heimshornum,“ sagði í yfirlýsingunni sem kosningastjóri hans Rick Davis las upp.
„Við drögum úr honum þegar við felum okkur á bak við múra í stað þess að rífa þá niður, þegar við efumst um kraft hugsjóna okkar, frekar en að treysta þeim til að vera það mikla breytingaafl sem þær hafa alltaf verið,“ sagði í yfirlýsingunni.
„Ég lifði og dó sem stoltur Bandaríkjamaður. Við erum borgarar í merkasta lýðræðisríki heimsins, þjóð með hugsjónir, ekki þjóð blóðs,“ sagði einnig í yfirlýsingunni.
„Ekki missa vonina vegna núverandi erfiðleika okkar, heldur skulið þið ávallt trúa á mikilfengleika Bandaríkjanna vegna þess að ekkert er óumflýjanlegt hérna,“ sagði McCain og bætti við að þjóðin „muni komast í gegnum þessa erfiðu tíma“.
McCain gagnrýndi Trump einnig harðlega á meðan hann var á lífi en frægt er þegar Trump sagði að McCain væri ekki stríðshetja.
Talsmaður McCain hefur staðfest að Trump muni ekki mæta í jarðarför hans.
Hæstiréttur staðfestir vanhæfi alls Landsréttar
Bjarkey stendur við skammarbréf Svandísar
Almannavarnir auka viðbúnað
Ný staða uppi og óvissan meiri
Spursmál: Fyrsta stóra viðtal Katrínar
Hyggjast leyfa fólki að skoða gosið
29 nautgripir fundust dauðir