Þungorðir í garð McCain

Rússneskir fjölmiðlar hliðhollir stjórnvöldum hafa ekki dregið úr gagnrýni sinni á John McCain sem lést úr krabbameini um helgina. Segja þeir hann helsta hugmyndasmið „Rússagrýlunnar“.

McCain skapraunaði Rússum oft með skoðunum sínum en hann fór aldrei leynt með stuðning sinn við leiðtoga fyrrverandi ríkja Sovétríkjanna sem voru hliðhollir vestrænum ríkjum. Má þar nefna Georgíu og Úkraínu. Jafnframt studdi hann refsiaðgerðir gagnvart Rússum vegna íhlutunar þeirra á Krímskaga með ráðum og dáð.

Í frétt Rossiya 1-sjónvarpsstöðvarinnar var sagt að McCain hafi verið helsta táknmynd Rússagrýlunnar og að hann hafi aldrei þolað Rússum að reka sjálfstæða utanríkisstefnu. Leiðarahöfundur Pravda tekur í svipaðan streng. Þar var McCain jafnframt sakaður um að ljúga til um að hafa verið pyntaður þegar hann var fangi í Víetnamstríðinu og að hann vonaðist til þess að McCain brynni nú í helvíti.

„McCain öldungadeildarþingmaður elskaði loga stríðs. Við skulum vona að hann fái næga loga þar sem sál hans hvílist nú,“ segir meðal annars í leiðara Pravda.

mbl.is
Mjög góð Toy Avensis Station
Til sölu mjög góð Toyota Avensis Station 2003 árgerð, ekin 180þ km. Bensín bíll ...
Ertu með krabbamein á byrjunarstigi?
Eftir hægðir setur þú eitt Ez Detect prófblað í salernið. Ef ósýnilegt blóð e...
Dartvörur í úrvali frá UNICORN.
Dartvörur í úrvali frá UNICORN. pingpong.is Síðumúla 35 (að aftanverðu) Sími 568...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...