Biðja um fjárhagsaðstoð vegna eldsvoða
Setja bókamerki
Michel Temer, forseti Brasilíu, segir að stjórnvöld í landinu ætli að leita eftir fjárhagsaðstoð frá fyrirtækjum og bönkum til að aðstoða við uppbyggingu þjóðminjasafnsins í borginni Rio de Janeiro eftir að það eyðilagðist í eldi.
Rossieli Soares, menntamálaráðherra Brasilíu, sagði að einnig hefði verið óskað eftir aðstoð frá öðrum löndum, auk þess sem viðræður við UNESCO, menningarmálastofnun Sameinuðu þjóðanna, væru hafnar, að sögn BBC.
Ríkisstjórn Brasilíu hefur lagt til hliðar 3,6 milljónir dollara, rúmar 400 milljónir króna, til endurbóta.
Að sögn yfirmanna þjóðminjasafnsins eyðilögðust næstum 90% af þeim munum sem þar voru. Þeir segja að eldsvoðinn hafi orðið vegna þess að dregið hafði úr opinberum fjárveitingum til safnsins.
Rannsókn er hafin á eldsvoðanum. Sergio Leitao, menningarmálaráðherra landsins, sagði við blaðið Estade de S.Paulo að líklegasta orsökin væri að kviknað hefði í út frá rafmagni eða að heimagerður pappírsloftbelgur hefði lent á þakinu.
Banna mengandi búnað sem leyfður er á Íslandi
Shakespeare fannst í skókassa
Krefjast stöðvunar framkvæmda
Árshátíð ríkislögreglustjóra haldin í Tékklandi
Handteknir eftir myndatöku í Vesturbæjarlaug
Æskuvinur Íslendings myrtur í Noregi
Veiting hvalveiðileyfis ekki brot á EES-samningi