Sonur lögregluforingja hermaður ISIS

Faðir Alexanders Ciccolo var á vakt sem lögreglumaður þegar hörmungarnar ...
Faðir Alexanders Ciccolo var á vakt sem lögreglumaður þegar hörmungarnar riðu yfir í maraþoninu í Boston árið 2013. Nú hefur sonur hans verið dæmdur í fangelsi fyrir að hafa í hyggju ámóta illvirki. Alex Trautwig

Alexander Ciccolo, 26 ára, hefur verið dæmdur í 20 ára fangelsi fyrir að leggja á ráðin um hryðjuverk fyrir Ríki íslams, eða ISIS. Faðir hans, lögregluforingi í Boston, greindi yfirvöldum frá grunsemdum sínum sem leiddi til þess að sonur hans var handtekinn.

Ciccolo játaði sig sekan um að hafa reynt að styðja framgang erlendra hryðjuverkasamtaka, um að hafa undir höndum ólögleg skotvopn og um að hafa reynt að nota gereyðingarvopn í áðurgreindum tilgangi.

Var að „svara kalli“ Ríkis íslams

Bandaríska alríkislögreglan, FBI, hefur lýst Ciccolo sem „einbeittum hermanni“ Ríkis íslams. Hann var handtekinn árið 2015 þegar faðir hans, Robert Ciccolo, tilkynnti um undarlega hegðun sonar síns. Ciccolo hafði þá um hríð átt við andlega örðugleika að stríða.

Saksóknarar vísuðu til þess að Ciccolo hefði gengið undir nafninu Ali Al Amriki á netinu og sagst vera að „svara kalli“ Ríkis íslams; að fremja hryðjuverkaárás á almennum borgurum. Þá hefði hann meðal annars haft í hyggju að smíða vopn úr þrýstipotti, nöglum og kúlulegum, líkt og var notað í árásunum í Boston-maraþoninu 2013.

mbl.is
Nissa Leaf til sölu..
Til sölu Nissan Leaf Tekkna árg. 2016. 30 kw, dökkblár, leiðurklæddur, myndavél...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
2-4 herb.húsnæði óskast til leigu
Handlaginn 39 ára einstæður faðir óskar eftir 2-4 herb. húsnæði til leigu í Reyk...
íbúð með sérinngangi eða sérbýli óskast.
Ábyrg og snyrtileg fjögurra manna fjölsk. óskar eftir húsnæði í Reykjavik og nág...