Fyrrverandi ráðgjafi Donalds Trumps Bandaríkjaforseta hefur verið dæmdur í 14 daga fangelsi fyrir að ljúga að fulltrúum bandarísku lögreglunnar, FBI, vegna tengsla við Rússa sem urðu til þess að opinber rannsókn hófst á meintu samráði við rússnesk stjórnvöld.
George Papadopoulos, ráðgjafi í utanríkismálum, „laug í rannsókn sem var mikilvæg þjóðaröryggi“, sagði dómarinn Randolph Moss.
Papadopoulos var einnig dæmdur til að greiða 9.500 dollara sekt og til þess að inna af hendi samfélagsþjónustu.
Hann viðurkenndi að hafa logið um tengsl sín við Rússland á meðan hann vann við forsetaframboð Trumps. Síðar tók hann við starfi sem ráðgjafi forsetans í utanríkismálum.
BREAKING: Former Trump campaign aide George Papadopoulos has been sentenced to 14 days in prison for lying to investigators about his contact with individuals tied to Russia during the 2016 campaign https://t.co/YgSJ9bhEsm pic.twitter.com/W0uiKQOKpi
— CNN International (@cnni) September 7, 2018