Vladimir Pútín Rússlandsforseti hefur hafnað beiðni Tyrkja um að lýst verði yfir vopnahléi til að koma í veg fyrir „blóðbað“ í norðurhluta Sýrlands.

Á fundi Írana, Rússa og Tyrkja í Teheran, höfuðborg Írans, sagði Pútín að Rússar myndu halda áfram að berjast gegn „hryðjuverkamönnum“ í Idlib-héraði.

„Við viljum ekki að blóðbað verði í Idlib,“ sagði Erdogan, forseti Tyrklands, á fundinum.

„Árás á Idlib myndi hafa í för með sér miklar hamfarir. Til að berjast gegn hryðjuverkamönnum þarf bæði tíma og þolinmæði.“

Idlib er síðasta stóra vígi sýrlenskra stjórnarandstæðinga en þar búa tæpar þrjár milljónir manna.

Búist er við að sýrlenskar hersveitir, studdar af Rússum og Írönum, geri stóra árás á svæðið á næstunni, að sögn BBC.

Frétt af mbl.is

Óttast að efnavopnum verði beitt

Margir litu á fundinn í Teheran sem síðasta tækifærið til að koma í veg fyrir mikil átök í Idlib.

Pútín ásamt Ayatollah Ali Khamenei, æstaklerks Írans. AFP

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt