Engin kjarnorkuvopn á hersýningu

Norðurkóreskri herinn marserar á Kim Il Sung-torginu í Pyongyang.
Norðurkóreskri herinn marserar á Kim Il Sung-torginu í Pyongyang. AFP

Þúsundir norðurkóreskra hermanna tóku þátt í hersýningu í Pyongyang, höfuðborg Norður-Kóreu, í tilefni af sjötíu ára afmæli landsins. Langdrægar kjarnorkueldflaugar voru ekki hluti af sýningunni í þetta sinn.

Þess í stað sýndi leiðtogi Norður-Kóreu, Kim Jong-un, fram á vináttu sína við Kínverja og lyfti hendi erindreka Kína er þeir heilsuðu áhorfendum eftir sýninguna.

Kim Jong-un ásamt kínverska erindrekanum Zhanshu.
Kim Jong-un ásamt kínverska erindrekanum Zhanshu. AFP

Norður-Kórea var stofnuð árið 1948, þremur árum eftir að stjórnvöld í Moskvu og Washington skiptu Kóreuskaganum á milli sín undir lok síðari heimsstyrjaldarinnar.

Afmæli þjóðarinnar hefur ávallt verið fagnað með miklum látum og það notað sem tækifæri til að sýna framþróun í gerð eldflauga sem gætu flutt kjarnaodda til Bandaríkjanna.

AFP

Svo virðist sem ekki hafi þótt við hæfi að halda eins stóra hersýningu og áður í ljósi samkomulags Kims Jong-uns og Donalds Trumps Bandaríkjaforseta fyrr á árinu. Þar að auki er fyrirhugaður þriðji fundur norðurkóreska leiðtogans með Moon Jae-in, forseta Suður-Kóreu, í Pyongyang síðar í þessum mánuði.

AFP
Franski leikarinn Gerard Depardieu á hersýningunni.
Franski leikarinn Gerard Depardieu á hersýningunni. AFP
AFP
mbl.is
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...