Loftárásir á Idlib halda áfram

Rústir eftir sprengjuárás á bæinn Al Habit í Idlib-héraði.
Rústir eftir sprengjuárás á bæinn Al Habit í Idlib-héraði. AFP

Hersveitir sýrlensku stjórnarinnar og Rússa héldu áfram loftárásum sínum á héraðið Idlib í Sýrlandi í morgun. Að minnsta kosti eitt barn lést í árásunum, að sögn mannréttindasamtakanna Syrian Observaroty for Human Rights.

Þetta er annar dagur loftárásanna á svæði hryðjuverkamanna og uppreisnarmanna eftir að samningaviðræður í Teheran, höfuðborg Írans, báru engan árangur.

„Þyrlur stjórnarhersins vörpuðu meira en 60 sprengjum á þorpið Hobait í suðurhluta Idlib og drápu að minnsta kosti eina unga stúlku,“ sagði Rami Abdel Rahman hjá mannréttindasamtökunum.

Hann bætti við að í nágrannahéraðinu Hama hefðu rússneskar þotur gert yfir tíu árásir á svæði uppreisnarmanna í þorpinu Al-Latamneh.

mbl.is
Jöklar - Hús fyrir ferðaþjónustu
Jöklar hafa átt miklu fylgi að fagna frá því þau komu fyrst á sjónarsviðið, vori...
RAFVIRKI
ALHLIÐA RAFLAGNIR EKKERT VERKEFNI ER OF SMÁTT Haukur Emilsson Simi 853 1199...
Málarar
Málarar. Faglærðir málar geta bætt við sig verkefnum. Öll almenn málningarþjónus...