Rússneska lögreglan hefur leyst upp mótmæli sem hafa farið fram víða um land í dag, en margir hafa komið saman til að mótmæla fyrirhuguðum aðgerðum stjórnvalda til að hækka lífeyrisaldur í Rússlandi.

Yfir 800 mótmælendur voru handteknir í aðgerðum lögreglunnar í dag. Fram kemur á vef BBC að mannréttindasamtökin OVD-info, sem fylgdust með aðgerðunum í dag, hafi séð lögreglumenn beita kylfum og slá mótmælendur. 

Frá mótmælum sem fóru fram í Moskvu í dag. AFP

Stjórnarandstæðingurinn Alexei Navalny, sem situr nú í fangelsi, hvatti til mótmælanna. 

Mótmælin fóru fram á sama tíma og kosið var um 26 leiðtoga í 85 héruðum Rússlands, m.a. í höfuðborginni Moskvu. Næstflestir voru handteknir í Jekaterínburg en í höfuðborginni voru 36 teknir höndum. 

Rússneskir lögreglumenn sjást hér við mótmæli sem fóru fram í Pétursborg. AFP

Tengdar fréttir

Al­ex­ei Navalní

Árásin á Volkov „líklega“ skipulögð af Rússum

• Ráðist á samstarfsmann Navalnís í Litáen
• Heimsótti gröf sonar síns
• „Við munum ekki fyrirgefa“
• Á fimmta tug handtekin

» Fleiri tengdar fréttir

• Blogga um frétt