Rauðgrænir einum fleiri
Alexander Gunnar Kristjánss. skrifar frá Stokkhólmi
Setja bókamerki
Talningu atkvæða í sænsku kosningunum er við það að ljúka. Þegar 99,95% atkvæða hafa verið talin hefur rauðgræna blokkin, sem samanstendur af Sósíaldemókrötum, Græningjum og Vinstriflokknum, 144 þingsæti, einu fleira en bandalag hægriflokka, sem Moderaterna, Kristilegir demókratar, Miðflokkurinn og Frjálslyndi flokkurinn mynda.
Rauðgræna bandalagið tapar fimmtán þingsætum frá því fyrir fjórum árum, þegar það fékk 159 sæti. Hægribandalagið bætir hins vegar við sig tveimur sæti frá síðustu kosningum en það má þakka Miðflokknum og Kristilegum demókrötum sem bæta við sig níu og sjö mönnum. Frjálslyndi flokkurinn stendur í stað frá síðustu kosningum en Moderaterna tapa 14.
Svíþjóðardemókrötum, sem tilheyra hvorugu bandalaginu, fjölgar síðan úr 49 í 62. Jimmie Åkesson, formaður Svíþjóðardemókrata, segist reiðubúinn að ræða við alla flokka um samstarf en hefur þó sérstaklega boðið Ulf Kristersson, formanni Moderaterna, til viðræðna. Leiðtogar allra flokka á þingi hafa þó hingað til útilokað samstarf við Svíþjóðardemókrata.
Þótt Sósíaldemókratar séu sem fyrr stærstir á sænska þinginu eftir kosningarnar, með 28,4%, atkvæða, tapar flokkurinn 2,8 prósentustigum og fær nú sitt minnsta fylgi frá árinu 1911. Stefan Löfven, formaður flokksins og forsætisráðherra, hefur sagt að niðurstöður kosninganna eigi að fela í sér endalok blokkapólitíkurinnar, þar sem sænskir flokkar starfa einungis innan hægri- eða vinstriblokkarinnar. Hvorug blokkin hefði fengið skýrt umboð til stjórnarmyndunar og mikilvægt væri því að þeir flokkar sem vildu „bæta Svíþjóð“ tækju höndum saman.
Ráðherra um árshátíðina: „Hljómar frekar hátt“
Íslenska ríkið dæmt brotlegt
50% fjölgun kærumála og aukið álag
90 milljóna ferð austur: „Hrokinn yfirgengilegur“
Boðar 17 milljarða hagræðingu á næsta ári
Með skerta aksturshæfni og undir slævandi áhrifum
Danir í áfalli yfir brunanum
„Sárt að horfa upp á þetta“