Lögreglukona í Texas hefur verið handtekin eftir að hún sem skaut mann sem var staddur í sinni eigin íbúð, en lögreglukonan taldi hann hins vegar vera óboðinn gest í sinni íbúð, að því er BBC greinir frá.
Hefur lögreglukonan, Amber Guyger, verið ákærð fyrir manndráp eftir að fjölskylda hins myrta, Botham Shem Jean, krafðist þess að hún yrði látin sæta varðhaldi. Hún var hins vegar látin laus aftur gegn 300.000 dollara tryggingagreiðslu.
Að því er fram kemur í skýrslu lögreglu var Guyger að koma af vaktinni er hún gekk inn í íbúð sem hún taldi vera sína eigin og rakst þar á Jean. Hvað næst gerðist er óljóst utan að Guyger skaut Jean, sem sagður er hafa verið strangtrúaður og starfaði hjá PricewaterhouseCoopers.
Guyger kallaði því næst eftir aðstoð og var Jean fluttur á sjúkrahús þar sem hann lést af sárum sínum.
Að sögn lögregluyfirvalda er rannsókn málsins í fullum gangi. Var Guyger, sem hafði starfað sem lögreglumaður í fjögur ár, m.a. látin gangast undir fíkniefna- og áfengispróf.