Lula sagður hættur við að bjóða sig fram

Forsetaframbjóðandinn Fernando Haddad. Talið er að Luiz Inacio Lula da ...
Forsetaframbjóðandinn Fernando Haddad. Talið er að Luiz Inacio Lula da Silva, fyrrverandi forseti Brasilíu, muni lýsa yfir stuðningi við framboð Haddads í dag. AFP

Luiz Inacio Lula da Silva, fyrrverandi forseti Brasilíu, ætlar að gefa forsetaframboð sitt upp á bátinn. Lula, sem er nú í fangelsi eftir að hafa hlotið 12 ára dóm fyrir spillingu, hafði vonast til að Hæstiréttur Brasilíu tæki áfrýjunarbeiðni  sína til umfjöllunar í tæka tíð fyrir forsetakosningarnar 7. október. Áður hafði áfrýjunardómstóll bannað honum að bjóða sig fram á ný og gaf honum tíu daga til að hætta við.

Samkvæmt heimildum Reuters-fréttastofunnar mun Lula lýsa yfir stuðningi við Fernando Haddad í dag. Verður bréf Lula lesið upp fyrir stuðningsmenn hans sem hafa undanfarna fimm mánuði hafst við framan við lögreglustöðina í borginni Curitiba, þar sem Lula hefur setið í fangelsi frá því í apríl.

Haddad, sem einnig er í framboði fyrir Verkamannaflokkinn, verður þar með væntanlega opinberlega forsetaframbjóðandi flokksins.

Segirst Reuters Lula með þessu ætla að forðast hættuna á að framboð flokksins verði gert ógilt.

Fylgi forsetaframbjóðandans og hægri öfgamannsins Jair Bolsonaro, hefur farið vaxandi eftir að hann særðist hættulega í hnífaárás í síðustu viku og var hann með meirihlutafylgi, 24%, í síðustu skoðanakönnun og talinn líklegur keppinautur Lula um forsetaembættið.

mbl.is
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Nissan Qashqai 2018. Ekinn aðeins 14þ km. Ekki bílaleigubíll
https://bland.is/classified/entry.aspx?classifiedId=3933554 NISSAN QASHQAI, 4...
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 204.000 km...
Bókalind - antikbókabúð
Höfum á boðstólnum fjölbreytta flóru af bókum. Við erum með t.d. orðabækur, matr...