Neyðarástandi hefur verið lýst yfir í Washington, höfuðborg Bandaríkjanna, vegna fellibylsins Flórens sem nálgast austurströnd landsins. Muriel Bowser, borgarstjóri Washington, segir að neyðarástandið taki gildi strax en von er á að fellibylurinn fari yfir borgina á fimmtudag. Fellibylnum fylgir hellirigning og hætta verður á flóðum.

Í gær var neyðarástandi lýst yfir í Virginíu, Norður- og Suður-Karólínu og hefur yfir millj­ón manns á því svæði verið gert að yf­ir­gefa heim­ili sín og eru brottflutningar hafnir.

Frétt af mbl.is

„Mögulega sögulegar hörmungar“

Neyðarástandið gildir næstu fimmtán daga og líkt og fyrr segir er gert ráð fyrir að Flórens fari yfir austurströnd Bandaríkjanna á fimmtudag.

Neyðarástandi var síðast lýst yfir í höfuðborginni í janúar 2016 þegar stormurinn „Snowzilla“ gekk yfir með mikilli snjókomu. 

Fellibylurinn Florence nálgast austurströnd Bandaríkjanna. AFP

Tengdar fréttir

Fellibylurinn Flórens

35 farast í aurskriðu af völdum Mangkhut

• Allar leiðir lokaðar vegna Flórens
• Sextán látin vegna Flórens
• Hættan alls ekki liðin hjá
• „Sögulega mikil“ úrkoma

» Fleiri tengdar fréttir

• Blogga um frétt