Skaut manninn fyrir framan börnin

Bandarísk kona var handtekin í Louisiana eftir að hún skaut fyrrverandi eiginmann sinn til bana á bílastæði við Walmart-verslun á laugardag.

Lögregla segir að hjónin fyrrverandi hafi hist á bílastæðinu til að skipta um forræði yfir börnunum. Konan, Kayla Giles skaut hins vegar manninn Thomas Coutee í brjóstið og lést hann af sárum sínum á staðnum.

BBC segir lögreglu hafa staðfest að börn þeirra þrjú hafi verið á staðnum er atvikið átti sér stað. Upphaflega var farið með þau á lögreglustöð, en þau eru nú komin til ættingja.

Louisiana-fréttavefurinn Town Talk segir að Coutee hafi áður lagt fram kæru gegn konu sinni vegna ofbeldis og að hann hafi lagst gegn því að þau deildu forræði yfir börnununum.

Giles hefur verið ákærð fyrir morð, en lögregla hefur ekki gefið frekari upplýsingar um málið eða hvaða ástæða kunni að liggi að baki.

• Blogga um frétt