Skrifaði um morð og myrti svo sjálf

Nancy Crampton Brophy.
Nancy Crampton Brophy. Af vef lögreglunnar í Portland

Bandarískur höfundur ástarsagna, sem fjölluðu um konur sem létu sig dreyma um að myrða eiginmenn sína, hefur verið ákærð fyrir að drepa eiginmann sinn.

Í ítarlegri frásögn Washington Post um málið  er söguþráður vinsælustu bóka Nancy Crampton Brophy rifjaður upp. Í bókinni The Wrong Cop er sögð saga konu sem lét sig dreyma allt sitt hjónaband um að myrða eiginmanninn. Í bókinni The Wrong Husband reyndi kona að flýja ofbeldisfullan eiginmanninn með því að sviðsetja eigin dauða. Og bókin Hvernig áttu að myrða eiginmann þinn (How to Murder Your Husband) var nokkurs konar ritgerð um hvernig hægt væri að komast upp með morð. Þar fjallaði Brophy um fimm tilefni til morðs og fjölda morðvopna sem hægt væri að láta söguhetjur skáldsagna nota við morð á eiginmönnum sínum.

Brophy er tæplega sjötug. Hún var handtekin í síðustu viku af lögregluyfirvöldum í Portland. Hún hefur nú verið ákærð fyrir að hafa myrt eiginmann sinn með skotvopni. Ekki hefur verið greint frá því hvað varð til þess að hún myrti eiginmanninn Daniel Brophy.

mbl.is
Húsaviðgerðir
https://www.husco.is/...
Húsaviðgerðir - husco.is
https://www.husco.is/...
Bátavélar 58 hp með gír
Eigum á á lager , góðar vélar 58 hp (43,3 kw) með gír og mælaborði og tilheyrand...
Sumarhús/Gesthús
Mjög vandað sumarhús/Gesthús til sölu, algjörlega viðhaldsfrítt, klætt með lerki...