Recep Tayyip Erdogan Tyrklandsforseti mun eiga fund með Vladimír Pútín Rússlandsforseta á mánudag vegna stríðsins í Sýrlandi. Óttast er að blóðbað muni hljótast af fyrirhuguðu áhlaupi Sýrlandshers, með aðstoð Rússa, á uppreisnarhópa í Idlib-héraði.
„Erdogan forseti mun hitta Pútín á mánudag,“ sagði utanríkisráðherra Tyrklands, Mevlut Cavusoglu, á blaðamannafundi í morgun.
Fundurinn mun eiga sér stað í Sochi.