Opna samskiptastofu á landamærunum
Setja bókamerki
Kóreuríkin tvö hafa opnað samskiptaskrifstofu sem mun gera þeim kleift að eiga regluleg samskipti. Opnunin er stórt skref í sögu ríkjanna, en samskipti þeirra á milli hafa verið stirð síðan í Kóreustríðinu. BBC greinir frá því að skrifstofan sé staðsett rétt norðan við landamærin, sem varin eru af hermönnum beggja vegna.
Á skrifstofunni munu starfa allt að tuttugu frá hvoru landi og að sögn sameiningarráðherra Seúl, Cho Myoung-gyon, mun hún gera Norður- og Suður-Kóreu kleift að eiga bein samskipti 24 klukkustundir á sólarhring árið um kring.
Opnun samskiptaskrifstofunnar er undanfari þriðja fundar leiðtoga ríkjanna tveggja sem fram fer í Pyongyang í næstu viku. Moon Jae-in, leiðtogi Suður-Kóreu, gegnir hlutverki eins konar málamiðlara á milli Kims Jong-uns, leiðtoga Norður-Kóreu, og Donalds Trumps Bandaríkjaforseta. Sérfræðingar segja að Moon muni leitast við að gefa stöðnuðum viðræðum um kjarnorkuafvopnun Kóreuskaga innspýtingu.
Samskipti á milli Norður- og Suður-Kóreu höfðu einungis farið fram með símskeytum og símtölum, sem oft var slitið ef upp kom ágreiningur, síðan í Kóreustríðinu allt þar til í apríl á þessu ári þegar Kim Jong-un varð fyrsti einræðisherra Norður-Kóreu til þess að hitta leiðtoga Suður-Kóreu síðan í stríðinu. Því má með sanni segja að opnun samskiptaskrifstofu landanna tveggja sé afar mikilvæg í sögu Kóreuskaga.
Kostnaður meiri en milljón á fermetra
Veiting hvalveiðileyfis ekki brot á EES-samningi
„Það þarf að vinna mikinn fjölda upp“
Gígbarmurinn hækkað frá því í gær
Skar höfuðleðrið af íslenskri konu
„Hvílir mikil leynd yfir þessu öllu“
Banna mengandi búnað sem leyfður er á Íslandi