Stofnar nýjan hægriflokk í Kanada

Maxime Bernier, leiðtogi Þjóðarflokksins í Kanada.
Maxime Bernier, leiðtogi Þjóðarflokksins í Kanada. AFP

Maxime Bernier, fyrrverandi utanríkisráðherra Kanada, kynnti í dag nýjan hægriflokk til sögunnar sem fengið hefur nafnið Þjóðarflokkurinn. Fram kemur í frétt AFP að nýi flokkurinn kunni að reynast Íhaldsflokknum skeinuhættur í næstu þingkosningum.

Þjóðarflokkurinn leggur áherslu á frjálshyggju, minni ríkisafskipti og lægri skatta að sögn Berniers sem sagði skilið við Íhaldsflokkinn í síðasta mánuði. Sagði Bernier að flokkurinn myndi bjóða fram um allt land í næstu kosningum. Spurður um nafnið sagði hann að tímabært væri að  stjórnmálamenn settu hagsmuni þjóðarinnar í forgang.

Hagsmunaaðilar og alþjóðastofnanir hafa, að sögn Berniers, of lengi stýrt kanadískum stjórnmálum, þar með talið hagsmunir stjórnmálamanna og embættismanna sem hann segir ekki í tengslum við almenna Kanadamenn. Hefur hann sakað Íhaldsflokkinn fyrir að færa sig of nálægt miðjunni til þess að höfða til kjósenda Frjálslynda flokksins.

Frjálslyndi flokkurinn er við völd í Kanada í dag undir forystu Justins Trudeaus forsætisráðherra. Bernier sóttist eftir því að leiða Íhaldsflokkinn en tapaði í leiðtogakosningu fyrir Andrew Scheer sem hefur sakað hann um að setja persónulega hagsmuni sína í forgang og gera Frjálslynda flokknum greiða með því að kljúfa Íhaldsflokkinn.

mbl.is
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...
Suzuki GS 1000L,Forn, 81, Mótorhjól
Árgerð 1981. Keyrt 13.000 mílur, fornhjól sem þarf að skoða annað hvert ár. Hjó...