Hafði enga stjórn yfir Twitter-færslum Trump

Sean Spicer segist ekki hafa haft neina stjórn á Twitter-reikningi ...
Sean Spicer segist ekki hafa haft neina stjórn á Twitter-reikningi Trump. AFP

Sean Spicer, fyrrverandi fjölmiðlafulltrúi Hvíta hússins, segir í samtali við sænska ríkisútvarpið SVT að hann hafi ekki haft neina stjórn á Twitter-reikningi Donald Trump Bandaríkjaforseta.

Spicer, sem sagði upp eftir sex mánuði í starfi vegna ráðningar Trump á  Anthony Scaramucci sem samskiptastjóra, gaf í sumar út bók um tíma sinn í Hvíta húsinu, The Briefing: Politics, the Press and the President.

Hann segist jafnan hafa haft góða hugmynd um hverju hann vildi greina fjölmiðlum frá í tengslum við störf forsetans, en að forsetinn sjálfur hafi venjulega kollvarpað þeim hugmyndum strax klukkan 7 eða 8 um morguninn. „Við höfðum enga stjórn á Twitter-reikningi hans,“ sagði Spicer.

Þá kvaðst Spicer hafa gert mistök er hann lýsti því yfir á fyrsta fundi sínum með fjölmiðlum í Hvíta húsinu að aldrei hefðu fleiri mætt til að fylgjast með embættistöku Bandaríkjaforseta, en þegar Trump tók við.

„Það gera allir mistök og þegar ég lít til baka sé ég hluti sem hefðu mátt gera betur. Ég er hreinskilinn um þetta í bók minni og þetta var ein slík stund,“ sagði Spicer og kvað fjölmiðla ekki jafnreiðubúna að viðurkenna eigin mistök.

Sjálfur kveðst Spicer sannfærður um að Trump muni fara með sigur af hólmi í forsetakosningunum 2020.

mbl.is
Skrifstofuhúsnæði til leigu.
Óskað er eftir leigjendum fyrir skrifstofuhúsnæði að Hverfisgötu 76, 101 Reykja...
Handlaug til sölu tilboð óskast
Ein handlaug ónotuð fæst fyrir lítið. uppl. 8691204....
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 204.000 km...
Davíð Stefánsson frá Fagraskógi
Til sölu ljóðabréf frá Davíð Stefánssyni til vinar síns. 15 erindi ásamt áritaðr...