Rússar og Tyrkir hafa samþykkt að setja upp hlutlaust svæði í kringum héraðið Idlib í Sýrlandi sem er undir stjórn uppreisnarmanna.

Vladimir Pútín, forseti Rússlands, greindi frá þessu eftir um fjögurra klukkustunda viðræður við Recep Tayyip Erdogan, forseta Tyrklands.

„Við höfum ákveðið að búa til hlutlaust svæði sem verður um 15 til 20 kílómetra langt, meðfram átakalínunni á milli hersveita stjórnarandstöðunnar og hersveita Sýrlandsstjórnar sem verður tilbúið 15. október á þessu ári,“ sagði Pútín.

Hann sagði að þetta fæli í sér að „allir uppreisnarmenn“ myndu draga sig til baka frá Idlib, þar á meðal samtökin Al-Nusra Front.

Leiðtogarnir tveir samþykktu að draga til baka þungavopn frá svæðinu, þar á meðal skriðdreka og eldflaugakerfi í eigu allra hersveita.

Tyrneskar hersveitir og rússneska herlögreglan munu sjá um að halda stjórn á svæðinu. 

Erdogan sagði eftir fundinn að samkomulagið hafi verið gert í þágu mannúðar. 

Frétt af mbl.is

Erdogan og Pútín funda

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt