Efnahagur Bretlands mun verða fyrir „verulegum kostnaði“ ákveði bresk stjórnvöld að yfirgefa Evrópusambandið án samnings. Alþjóðagjaldeyrissjóðurinn (AGS) varar við þessu í árlegri skýrslu sinni um útlitið í efnahagsmálum Bretlands.

Segir í skýrslunni að bresk stjórnvöld og ráðamenn Evrópusambandsins hafi ekki náð að leysa undirstöðuatriði varðandi útgöngu Breta og þetta geti leitt til vanskila Bretlands gagnvart greiðslum til Alþjóðaviðskiptasambandsins (WTO). 

„Undirstöðuspurningum – til að mynda varðandi framtíð efnahagssambands [Bretlands og ESB] og hin skylda spurning varðandi landamæri Írlands er enn ósvarað,“ segir í skýrslunni.

Nauðsynlegt sé að svara þessum spurningum eigi að koma í veg fyrir að Bretar yfirgefi ESB án samkomulags, sem myndi leiða til verulegs kostnaðar varðandi skilmála WTO. 

Er svört skýrsla AGS sögð í mikilli mótsögn við fullyrðingar Theresu May, forsætisráðherra Bretlands, sem gaf í síðustu viku í skyn að það yrði Bretum engin harmsaga gengju þeir úr ESB án samnings.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt