Barnfóstra líflátin fyrir íkveikju

Barnfóstran var komin í slæma stöðu vegna fjárhættuspila og greip ...
Barnfóstran var komin í slæma stöðu vegna fjárhættuspila og greip til þess ráðs að kveikja í íbúðinni og ætlaði sér að bjarga fjölskyldunni úr eldsvoðanum í þeirri von að það myndi sannfæra hjónin um að lána henni peninga fyrir skuldinni. Ljósmynd/Twitter

Kínversk barnfóstra hefur verið tekin af lífi fyrir að hafa af ásettu ráði kveikt í íbúð fjölskyldu með þeim afleiðingum að kona og þrjú börn hennar létust.

Mo Huanjing hafði starfað sem barnfóstra hjá fjölskyldunni. Hún var komin í slæma stöðu vegna fjárhættuspila og skuldaði hún himinháar upphæðir. Hún greip því til þess ráðs að kveikja í íbúðinni og ætlaði sér að bjarga fjölskyldunni úr eldsvoðanum í þeirri von að það myndi sannfæra hjónin um að lána henni peninga fyrir skuldinni.

Ætlunarverkið gekk hins vegar ekki eftir og konan og börnin þrjú létu lífið. Eiginmaðurinn, Lin Shengbin, var að sinna viðskiptaerindum og var því ekki heima þegar Huanjing kveikti í.

Fagnaði „dauða djöfulsins“

Barnfóstran hlaut dauðarefsingu í febrúar fyrir íkveikjuna og hefur dómnum verið framfylgt. Shengbin vakti athygli á málinu á Weibo, kínversku útgáfu Twitter, þar sem hann skrifaði: „Djöfullinn Mo Huanjing er loksins dauð.“

Shenbing er með 2,6 milljónir fylgjenda á Weibo og vakta færsla hans mikla athygli. Þar lýsir hann því einnig hvernig hann grét hástöfum eftir að honum bárust fregnirnar. „Ég hringdi í móður mína og hún grét líka og sagði að allir væru búnir að bíða óþreyjufullir eftir þessum degi.“

Þá segir Shenbing að þrátt fyrir að réttlætinu hafi verið náð sé vegurinn fram undan enn þá erfiðari. Með færslunni birti hann mynd af sér og fjölskyldunni.

Talið er að fleiri séu líflátnir í Kína árlega en í nokkru öðru ríki. Stjórnvöld veita hins vegar engar tölfræðilegar upplýsingar um dauðarefsingar en mannréttindasamtökin Amnesty International áætla að dauðarefsingar sem sé framfylgt árlega hlaupi á þúsundum.

Frétt BBC

mbl.is
Hornborð til sölu ódýrt.
Hornborð 65x65 cm. Hæð 45 cm. Vel með farið kr. 900.- Er í Garðabæ s: 8691204...
Sultukrukkur,minibarflöskur ...
Til sölu...Ca 100 gler krukkur.til sölu. Frekar litlar. Einnig ca 200 smáflösku...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
Skúffa á traktorinn
Vönduð og sterkbyggð skúffa á þrítengið sem einnig er hægt að nota sem skóflu. ...