Önnur kona sakar Kavanaugh um áreitni
Setja bókamerki
Önnur kona hefur nú stigið fram og ásakað Brett Kavanaugh, dómaraefni Donald Trump Bandaríkjaforseta, um kynferðislega áreitni. Áður hafði sálfræðiprófessorinn Christine Blasey Ford sakað hann um kynferðislega misnotkun í unglingasamkvæmi á níunda áratug síðustu aldar. Greint var frá því um helgina að Ford muni bera vitni fyrir dómsmálanefnd bandarísku öldungadeildarinnar.
Konan sem nú hefur stigið fram heitir Deborah Ramirez og var bekkjarfélagi Kavanaugh í Yale. Segir hún í samtali við dagblaðið New Yorker að Kavanaugh hafi berað kynfæri sín fyrir sér í partíi þar sem áfengi var haft um hönd. Hann hafi otað þeim að henni og neytt hana til að snerta þau.
Kavanaugh hefur neitað báðum ásökunum og segir þá síðari vera „rógburð“.
Öldungadeildarþingmaðurinn Dianne Feinstein, sem á sæti í dómsmálanefndinni, kallaði eftir að yfirheyrslum nefndarinnar vegna dómaratilnefningar Kavanaugh yrði frestað eftir að Ramirez steig fram.
Kostnaður meiri en milljón á fermetra
Vélsleðaslys: Þyrlan kölluð út á mesta forgangi
Shakespeare fannst í skókassa
Eyjafjarðarbraut lokað vegna alvarlegs umferðarslyss
Sex hafa greinst með listeríu
Skemmtiferðaskip hætt komið nærri Viðey
Skiptir miklu meira máli en fólk grunar
Telur forsendur fyrir vaxtalækkun