Lífstíðardómur yfir Madsen staðfestur

Yfirréttur í Kaupmannahöfn staðfesti í dag dóm héraðsdóms um að Peter Madsen sæti lífstíðarfangelsi fyrir morðið á sænsku blaðakonunni Kim Wall. Lífstíðardómur í Danmörku er að öllu jöfnu 16 ár. 

Í dómsorðum kemur fram að Madsen er fundinn sekur um sérlega alvarleg kynferðisbrot gegn Wall og að hafa skipulagt morðið í þaula ásamt því að fara illa með líkamsleifar hennar. 

Madsen áfrýjaði niður­stöðu héraðsdóms sem kveðinn var upp 25. apríl. Hann held­ur því fram að hún hafi lát­ist af slys­för­um en viður­kenn­ir að hafa sund­urlimað líkið og hent lík­ams­hlut­un­um í sjó­inn í ág­úst í fyrra.

Dómshald fór fram í máli Madsen í yfirrétti Kaupmannahafnar í dag áður en dómur var kveðinn upp. Madsen átti lokaorðið áður en hlé var gert á meðan dómarar gerðu upp hug sinn. „Ég er miður mín yfir því sem hefur gerst og finn til með ættingjum Kim,“ sagði Madsen.

Kristian Kirk saksóknari fór fram í lokaávarpi sínu að farið væri fram á lífstíðardóm þar sem Madsen væri brenglaður, úthugsaður og stórhættulegur kynferðisafbrotamaður. Þá væri mikil hætta á því að hann fremdi svipaðan glæp aftur. 

Foreldrar Kim og kærasti voru viðstödd dómsuppkvaðninguna í dag, ásamt fjölda fjölmiðlafólks.

Samkvæmt úrskurði yfirréttar er Madsen gert að greiða foreldrum Wall 328.246,14 danskar krónur í miskabætur, eða sem nemur rúmum 5,6 milljónum íslenskra króna. Þá er hann dæmdur til að greiða kærasta Wall 150.000 danskar krónur, eða rúmar 2,5 milljónir íslenskra króna. 

Fylgst var með dómsuppkvaðningunni í beinni lýsingu á vef danska ríkisútvarpsins

Yfirréttur í Kaupmannahöfn hefur staðfest lífstíðardóm héraðsdóms yfir danska uppfinningamanninum ...
Yfirréttur í Kaupmannahöfn hefur staðfest lífstíðardóm héraðsdóms yfir danska uppfinningamanninum Peter Madsen. Hann er fundinn sekur um að hafa orðið sænsku blaðakonunni Kim Wall að bana. AFP
mbl.is
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
Skúffa / skófla á traktor
Skófla á þrítengi 140cm. Bakhlið fylgir sem gerir hana að fyrirtaks skúffu. Þe...