Leiðtogafundur boðaður vegna Sýrlands

Börn í bænum Maaret al-Numan sem er norður af Idlib-héraði.
Börn í bænum Maaret al-Numan sem er norður af Idlib-héraði. AFP

Kanslari Þýskalands, Angela Merkel, greindi frá því í morgun að hún og leiðtogar Tyrklands, Rússlands og Frakklands ætluðu að hittast á fundi í næsta mánuði til þess að ræða ástandið í Sýrlandi.

Hún segir ástandið þar enn viðkvæmt ekki síst núna vegna ástandsins í Idlib-héraði.Tyrkir hafa stutt uppreisnarmenn sem hafa reynt að koma forseta Sýrlands, Bashar al-Assad, frá völdum en frá síðari hluta ársins 2016 hafa þeir unnið náið með Íran og Rússlandi við að reyna að binda enda á stríðið í Sýrlandi.

Rússar og Tyrkir samþykktu á fundi í borginni Sochi 17. september að koma upp „herlausu“ svæði í kringum héraðið, sem bæði ríki myndu eiga þátt í að verja. Á sama tíma ætti að huga að brottflutningi hættulegustu vígamannanna frá héraðinu. Stjórnvöld í Sýrlandi, sem hafa notið hernaðarstuðnings frá Rússum og Írönum, segjast ætla að ná Idlib á sitt vald en héraðið er síðasta hernaðarlega mikilvæga svæðið sem stjórnin hefur ekki endurheimt frá því stríðið braust út fyrir sjö árum. 

Samkomulagið kom í kjölfar varnaðarorða um að hætta væri á að allir íbúar héraðsins, þrjár milljónir talsins, yrðu drepnir. 

Borgin Idlib.
Borgin Idlib. AFP
mbl.is
Múrverk
Múrverk...
Gæðamotta keypt í Persíu, stærð 2x140,.
Gæðamotta keypt í Persíu, stærð 2x140. Verð 4000. Upplýsingar í síma 6942326 eða...
Baðtæki til sölu
Til sölu nýleg baðtæki, lítið notuð. Baðskápur með handlaug og blöndunartæki 10....
INTENSIVE ICELANDIC,ENGLISH, NORWEGIAN & DANISH f. foreigners - ÍSLENSKA f. útl - - ENSKA f. fullorðna - DANSKA- NORSKA
ÍSLENSKA, ENSKA, NORSKA, DANSKA: I, II, III, IV, V, VI: 2019:SPRINGTERM / VO...