Tveir Ísraelar létu lífið í skotárás í iðnaðarhverfi á Vesturbakkanum í morgun og sá þriðji særðist. Rúmlega tvítugur Palestínumaður stóð fyrir árásinni samkvæmt frétt AFP.

Haft er eftir talsmanni ísraelska hersins, Jonathan Conricus, í fréttinni að Palestínumaðurinn hafi unnið á svæðinu áður en hann hafi ráðist á Ísraelana. Hans væri nú leitað.

Conricus segir árásina hryðjuverk en að aðrir þættir hafi einnig haft áhrif. Palestínumaðurinn hafi notað heimagerða byssu til verksins sem þekkt sé undir nafninu Carlo.

Svo virðist sem Palestínumaðurinn hafi verið einn að verki að sögn Conricus.

Tengdar fréttir

Ísrael/Palestína

Ellefu Palestínumenn koma í dag

• „Stríð Ísraels og Írans yrði strategískt stríð“
• Skutu 300 drónum og flugskeytum
• Neyðarfundur boðaður í öryggisráði SÞ
• Biden og Netanjahú ræða saman

» Fleiri tengdar fréttir

• Blogga um frétt