Hjólabrettahetjan heiðruð

Joaquin Echeverria Alonso og Maria Miralles De Imperial Hornedo, foreldrar ...
Joaquin Echeverria Alonso og Maria Miralles De Imperial Hornedo, foreldrar Ignacio Echeverria, með orðuna. AFP

Bankastarfsmaðurinn Ignacio Echeverria, sem reyndi að bjarga konu í hryðjuverkaárásinni í London í júní á síðasta ári eingöngu vopnaður hjólabrettinu sínu, var á meðal þeirra sem voru heiðraðir af Elísabetu Bretadrottningu í Buckingham-höll í dag.

Fram kemur á fréttavef breska dagblaðsins Daily Telegraph að faðir Echeverria, Joaquin Echeverria Alonso, hafi tekið við verðlaununum, en sonur hans var á meðal þeirra átta sem létu lífið í árásinni þar sem þrír hryðjuverkamenn réðust á gangandi vegfarendur vopnaðir hnífum.

Echeverria var á leið heim til sín frá hjólabrettaæfingu þegar hryðjuverkaárásin var gerð. Sá hann hvar einn hryðjuverkamannanna réðst á konu og reyndi hann að bjarga henni. Hann var kallaður hjólabrettahetjan í fjölmiðlum í kjölfar árásarinnar.

Faðir Echeverria tók við Georgs-orðunni úr hendi drottningar og sagði viðurkenninguna á hugrekki sonar síns skipta miklu. Hann hafi verið örlátur maður og alltaf verið reiðubúinn til þess að hjálpa þegar þess hafi verið þörf.“

mbl.is
Húsaviðgerðir - husco.is
https://www.husco.is/...
Honda Jass 2013
Til sölu Honda Jass árgerð 2013 ekinn 70.000 sjálfsk Góður og vel með farinn bil...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Viltu heilbrigt,fallegt og síðara hár? þetta er svarið
Cocoa locks https://cupid.is/flokkur/cocoalocks/ Our Hot Chocolate and Hair ...