Ætlar að eiga tætt málverk eftir Banksy

Þegar verið var að taka verkið úr uppboðsrammanum kom í ...
Þegar verið var að taka verkið úr uppboðsrammanum kom í ljós að pappírstætara hafði verið komið fyrir neðst í rammanum. Uppboðsgestum brá óneitanlega við atvikið. AFP

Kona sem keypti stensil með málverkinu „Stúlka með rauða blöðru“ (e. Girl with red balloon) á uppboði í London fyrir skömmu hefur ákveðið að eiga málverkið, þrátt fyrir að það hafi verið rifið í tætlur örskömmu eftir að kaupin voru frágengin.

„Í fyrstu var mér mjög brugðið, en svo áttaði ég mig á því að ég stend uppi með sögulegt listaverk,“ hefur BBC eftir konunni, sem kýs ekki að koma fram undir nafni.

Málverkið var á upp­boði hjá lista­verka­miðlar­an­um Sot­heby's í London bauð konan rúm milljón pund, jafn­v­irði um 158 millj­óna króna, fyrir verkið, sem er eitt af þekkt­ustu verk­um Banksy. Hver ná­kvæm­lega Banksy er hef­ur hins vegar aldrei komið í ljós.

Augna­blik­um eft­ir að upp­boðinu lauk fór strig­inn með mál­verk­inu í gegn­um papp­ír­stæt­ara sem fal­inn var inni í ramma mynd­ar­inn­ar, var mynd­in þar með rif­in í tugi strimla. Myndskeið af atkvikinu má sjá hér:

Banksy setti á In­sta­gram mynd af augna­blik­inu þegar strig­inn fór í gegn­um tæt­ar­ann með text­an­um: „Að fara, að fara, far­in...“, og vísaði þar með til orðalags á upp­boðinu.

Kaupandinn hefur ekki gefið sig fram en fyrirtæki í hennar umboði, Pest Control, segir að verkið hafi fengið nýjan titil: „Ástin fór í ruslið,“ eða: Love is in the Bin. Konan greiddi uppsett verð, þ.e. upphæðina sem hún bauð í verkið, fyrir málverkið.

Forsvarsmönnum listaverkamiðlarans sem stóð fyrir uppboðinu hefur ekki enn tekist að komast til botns í því hvernig tókst að koma pappírstætaranum fyrir í rammanum sem verkið var boðið upp í.

Verkið verður til sýnis í höfuðstöðvum Sotheby á New Bond Street í London um helgina.

mbl.is
Bækur til sölu
Ævintýri Stikkilsberja Finns eftir Mark Twain (á ensku) 1. útg. London, 1884. Ve...
HEIMA ER BEZT
Heima er bezt tímarit Þjóðlegt og fróðlegt Tryggðu þér áskrift www.heimaerbezt.n...
Reglusöm miðaldra hjón
Reglusöm miðaldra hjón óska eftir 2ja-3ja herbergja íbúð eða stúdíói í Reykjavík...