Neita að afhenda Pompeo upptökuna
Setja bókamerki
Tyrknesk stjórnvöld hafa neitað að afhenda Mike Pompeo eða nokkrum öðrum bandarískum ráðamanni upptöku sem tengist rannsókninni á hvarfi sádi-arabíska blaðamannsins Jamal Khashoggi.
Pompeo, utanríkisráðherra Bandaríkjanna, ferðaðist til Ankara, höfuðborgar Tyrklands, í vikunni þegar ljóst var orðið að Sádi-Arabar, þar á meðal krónprinsinn Mohammed bin Salman, væru grunaðir um að hafa myrt Khashoggi.
Tyrknesk stjónvöld eru sögð hafa undir höndum upptöku sem sannar að Khashoggi hafi verið myrtur og hafa Bandaríkjamenn óskað eftir upptökunni.
„Það er ekki inni í myndinni að Tyrkland afhendi hvers kyns upptöku Pompeo eða nokkrum öðrum bandarískum ráðamanni,“ sagði utanríkisráðherra Tyrklands, Mevlut Cavusoglu, í yfirlýsingum tveimur dögum eftir fund þeirra Pompeo, en tyrknesk stjórnvöld hafa aldrei staðfest að umrædd upptaka sé til.
„Þögnin er ærandi“
Þrjú og hálft ár fyrir skotárás í Úlfarsárdal
Innviðir þandir og álagið „gríðarlegt“
Starfsfólk gæti fengið reikning frá Skattinum
Stóraukið fé til samgöngusáttmála
Hafa samþykkt kaup fyrir um 9,2 milljarða
Sat á þaki byggingarinnar þegar eldurinn kviknaði