Tugir slösuðust er gólfið gaf sig

Að minnsta kosti þrjátíu manns slösuðust er gólfið gaf sig.
Að minnsta kosti þrjátíu manns slösuðust er gólfið gaf sig. Skjáskot/Twitter

Að minnsta kosti þrjátíu manns slösuðust í gleðskap nærri Clemson-háskólanum í Suður-Karólínu aðfaranótt sunnudags, er gólf í húsnæði Kappa Alfa Psí-bræðralagsins við skólann gaf sig undan hópi hoppandi fólks.

Samkvæmt frétt BBC um málið voru 23 fluttir á spítala og hlutu einhverjir þeirra beinbrot við fallið, en enginn slasaðist lífshættulega.

„Bítið var að fara að „droppa“ og svo hrapaði allt gólfið,“ sagði háskólanemandinn Larissa Stone í samtali við staðarmiðilinn Greenville News, sem segir sex manns enn á spítala.

Augnablikið er gólfið gaf sig náðist á myndskeið og má sjá hér að neðan.

Húsnæði Kappa Alfa Psí-bræðralagsins er ekki inni á skólalóð Clemson-háskólans, en skólayfirvöld sendu frá sér yfirlýsingu vegna málsins þar sem þau segjast vera að vinna að því að komast að því hversu margir hinna slösuðu séu nemendur við skólann.

mbl.is
ÞVOTTAVÉL
TIL SÖLU GÓÐ AEG ÞVOTTAVÉL. NÝ KOL. VERÐ 45Þ.Þ. UPPL. Í 822-4850....
Rafstöðvar DEK 30 KW 400/230 50 HZ Deutz 50 kw
Rafstöðvar varafl , 30 kw og 50 kw ,útvegum allar stærðir.Verð frá 990þ +vsk Vi...
STOFUSKÁPUR
TIL SÖLU NÝLEGUR HVÍTLAKKAÐUR STOFUSKÁPUR MEÐ GLERHILLUM. STÆRÐ: B=78, D=41 H=9...
veggklukka antik veggklukka
er með flotta veggklukku með mjúkum og þægilegum slætti á12,000 kr sími 869-279...