Forseti Tyrklands, Recep Tayyip Erdoğan, segir að morðið á sádiarabíska blaðamanninum Jamal Khashoggi hafi verið skipulagt nokkrum dögum áður en það var framið og að útsendarar Sádi-Arabíu hafi rannsakað skóglendi skammt frá ræðismannsskrifstofunni í Istanbul daginn fyrir morðið. Hann segist vera sannfærður um að konungsfjölskyldan hafi vitað allt um málið.

Erdoğan krefst þess að upplýst verði um hvar líkið sé að finna og hver hafi fyrirskipað morðið. Hann segir að réttarhöldin yfir 18 mönnum sem eru grunaðir um að hafa framið morðið eigi að fara fram í Istanbul. 

Erdoğan er að fara yfir rannsóknina á morðinu í tyrkneska þinginu en Jamal Khashoggi var myrtur á ræðismannsskrifstofu Sádi-Arabiu í Istanbul 2. október. Hann segir að eftirlitskerfi ræðismannsskrifstofunnar hafi verið gert óvirkt áður en morðið var framið og segir forsetinn nauðsynlegt að sjálfstæð rannsókn fari fram. 

Tengdar fréttir

Morðið á Jamal Khashoggi

Krónprinsinn fær friðhelgi í Bandaríkjunum

• Biden skiptir um skoðun á Sádum
• Hendur Bidens „ataðar í blóði“
• Unnusta Khashoggis ætlar að áfrýja
• Segja Frakka hafa farið í mannavillt í handtöku

» Fleiri tengdar fréttir

• Blogga um frétt