„Íbúar Sýrlands verða að ákveða stöðuna varðandi Bashar al-Assad,“ sagði Recep Tayyip Erdogan Tyrklandsforseti eftir leiðtogafund Tyrkja, Rússa, Þjóðverja og Frakka. Þar voru ræddar leiðir til að binda enda á átökin í Sýrlandi.

Leiðtogar ríkjanna kalla eftir vopnahléi við síðasta stóra vígi uppreisnarmanna í Idlib-héraði. Þeir vilja að nefnd verði stofnuð til að binda enda á átökin í Sýrlandi sem hafa staðið í rúm sjö ár.

Einnig kom fram að hjálparstarfsfólki ætti að vera tryggður óhindraður aðgangur að stríðshrjáðum svæðum og flóttafólk ætti að geta snúið aftur heim kysi það svo.

Angela Merkel, kanslari Þýskalands, sagði að það þyrfti að taka skref í áttina að því að frjálsar kosningar færu fram í landinu þar sem allir Sýrlendingar gætu kosið, líka þeir sem hefðu flúið landið.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Assad getur ekki leyft lýðræði.