Dómstóll í Bangladess dæmdi í morgun fyrrverandi forsætisráðherra landsins og núverandi leiðtoga stjórnarandstöðunnar, Khaleda Zia, í sjö ára fangelsi.
Fram kemur í frétt AFP að Zia hafi verið dæmd fyrir spillingu. Dómarinn hafi fundið hana seka um að hafa misfarið með fé upp á rúmar 45 milljónir króna.
Stuðningsmenn Zia segja dóminn vera pólitískan. Zia hefur verið í fangelsi síðan í febrúar eftir að hafa fengið fimm ára dóm fyrir að draga sér fé sem átti að fara til heimilis fyrir munaðarleysingja.