Fordæmalaus staða í Svíþjóð

Löfven (t.v.) gekk á fund Andreas Norlén, forseta sænska þingsins, ...
Löfven (t.v.) gekk á fund Andreas Norlén, forseta sænska þingsins, í morgun til að skila inn stjórnarmyndunarumboðinu. AFP

Stefan Löfven, forsætisráðherra Svíþjóðar og formaður Sósíaldemókrata, hefur skilað inn stjórnarmyndunarumboði sínu til forseta sænska þingsins. Löfven hefur síðustu tvær vikur reynt að mynda ríkisstjórn en ekki haft erindi sem erfiði frekar en Ulf Kristersson, formaður hægriflokksins Moderaterna, sem fyrstur fékk umboðið. Sé umboðinu skilað inn fjórum sinnum ber forseta þingsins að boða til nýrra kosninga.

Fordæmalaus staða er nú komin upp í sænskum stjórnmálum sem í gegnum tíðina hafa einkennst af fyrirsjáanleika. Aldrei áður hefur það gerst að stjórnarmyndunarumboð sé veitt flokksleiðtoga sem ekki nær að mynda ríkisstjórn, hvað þá í tvígang.

Vandræði gömlu flokkanna skrifast á uppgang þjóðernisflokksins Svíþjóðardemókrata, sem bætti við sig fylgi í kosningunum í byrjun september og fékk rúm 17% atkvæða og 62 þingsæti af 349. Flokkurinn tilheyrir hvorki hægri- né vinstriblokkinni, en þær hlutu hvor um sig um 40% þingsæta.

Miðflokkurinn næstur í röðinni?

Andreas Norlén, forseti sænska þingsins, fundar í dag með leiðtogum flokkanna sem eiga sæti á þingi en hann hefur boðað til blaðamannafundar klukkan hálffjögur að íslenskum tíma. Stjórnmálaskýrandi sænska ríkisútvarpsins veltir því upp hvort Norlén veiti þá Annie Lööf, formanni Miðflokksins, umboðið. 

Miðflokkurinn tilheyrði fyrir kosningar bandalagi hægriflokka, en Lööf nýtur þó mikilla vinsælda  meðal út fyrir hægriblokkina, einkum fyrir einarða afstöðu sína gegn málflutningi Svíþjóðardemókrata. Flokkurinn bætti við sig fylgi í kosningunum, en hlaut þó aðeins tæp níu prósent atkvæða. Lööf er að margra mati raunhæfasti kosturinn til að leiða ríkisstjórn þvert á blokkirnar tvær, sem hafa einkennt sænsk stjórnmál í áratugi. Yrði hún þá fyrsta konan til að gegna embætti forsætisráðherra Svíþjóðar.

mbl.is
Sumarhús/Gesthús
Mjög vandað sumarhús/Gesthús til sölu, algjörlega viðhaldsfrítt, klætt með lerki...
Nissa Leaf til sölu..
Til sölu Nissan Leaf Tekkna árg. 2016. 30 kw, dökkblár, leiðurklæddur, myndavél...
Rafstöðvar DEK 30 KW 400/230 50 HZ Deutz 50 kw
Rafstöðvar varafl , 30 kw og 50 kw ,útvegum allar stærðir.Verð frá 990þ +vsk Vi...
Nissan Micra árg.2005
Nissan Micra árg.2005. Beinskiptur. Aðeins ekinn 70.000. Frábær smábíll. Uppl.í...