Farþegaþota indónesíska flugfélagsins Lion Air hrapaði í hafið í kringum miðnætti að íslenskum tíma skömmu eftir að hún hafði yfirgefið höfuðborgina Jakarta.

Fram kemur í frétt AFP að samband við farþegaþotuna, sem var af gerðinni Boeing-737 MAX og með 189 mann um borð, hafi rofnað um klukkan hálftólf, um 13 mínútum eftir að hún hafði yfirgefið flugvöllinn í borginni. Leit stendur enn yfir að flakinu. Skömmu áður en samband rofnaði óskaði flugstjórinn eftir því að fá að snúa aftur til Jakarta.

Farþegaþotan, sem var á leiðinni til borgarinnar Pangkal Pinang, var nýleg og hafði verið yfirfarin fyrir einungis mánuði. Flakið liggur á um 30-40 metra dýpi og sést brak á yfirborði hafsins. Flugmaðurinn og flugstjórinn höfðu samanlagt 11 þúsund flugtíma að baki.

Uppfært kl. 8:15: Framkvæmdastjóri Lion Air segir samkvæmt AFP að gert hafi verið við vélarbilun í farþegaþotunni eftir síðustu flugferð hennar áður en hún hrapaði.

Farþegaþota í eigu flugfélagsins Lion Air. AFP

Staðurinn þar sem farþegaþotan hrapaði. AFP

Tengdar fréttir

Farþegaþota Lion Air fórst

Hluthafar höfði mál gegn stjórn Boeing

• Ryanair gerði stórinnkaup á 737 MAX-vélum
• Maxinn fer í loftið í vor
• Lögðu líf almennings í hættu
• Fjölskyldurnar ósáttar með ákvörðun Boeing

» Fleiri tengdar fréttir

• Blogga um frétt