Lendingarbúnaður vélarinnar fundinn
Setja bókamerki
Kafarar hafa fundið hluta af lendingarbúnaði farþegaþotu lággjaldaflugfélagsins Lion Air, sem fórst er hún hrapaði í hafið úti fyrir ströndum eyjarinnar Jövu í Indónesíu á mánudag. 189 manns um borð og létust allir. AFP-fréttastofan greinir frá.
Farþegaþotan, sem var af gerðinni Boeing 737 MAX og var tekin í notkun í síðasta mánuði, hvarf af ratsjám 13 mínútum eftir flugtak í höfuðborg Indónesíu, Jakarta. Skömmu áður hafði flugstjórinn óskað eftir því að fá að snúa aftur til borgarinnar, en þotan var á leið til indónesísku borgarinnar Pangkal Pinang.
Annar flugriti vélarinnar fannst í gær og yfirvöld í Indónesíu segja upplýsingar úr honum, ásamt fundi lendingarbúnaðarins mögulega geta varpað ljósi á það hvers vegna glæný þotan hrapaði í hafið.
Flugritarnir innihalda upplýsingar um hraða, flughæð og stefnu farþegaþotunnar sem og samskipti áhafnarinnar
Bilun greindist í vélinni daginn áður en hún hrapaði, en fram kom í leiðarbók vélarinnar að hraðamælir við flugstjórasæti væri óáreiðanlegur. Bilunin var löguð en ekki er talið ljóst hvort viðgerðin hafi verið að öllu leyti fullnægjandi.
Samgönguráðherra Indónesíu hefur fyrirskipað flugfélögum í landinu að gera úttekt á öllum vélum sömu gerðar. Mikilvægt að fá úr því skorið sem fyrst hvort hugsanlega sé um að ræða galla í umræddri flugvélatengund.
Allar rúður brotnar hjá Fiskikónginum
„Þögnin er ærandi“
Segir óábyrgt að skipta út öllu bankaráðinu
Niðurstaða MDE kallar á breytingar
Benda á Samgöngustofu sem bendir út í heim
Sat á þaki byggingarinnar þegar eldurinn kviknaði
„Hvað ef það hefði verið lokuð heiði?“
/frimg/1/48/52/1485260.jpg)
Ölfusárbrú opnuð aftur eftir bílslys